Yurtimizda inson qadrini ulugʻlash, yosh avlodga sifatli taʼlim va munosib sharoit yaratish davlat siyosatining ustuvor yoʻnalishlaridan biri sifatida izchil davom etmoqda.

Bu jarayon Chortoq tumanidagi taʼlim muassasalarini zamonaviy qiyofaga keltirish, ularning moddiy-texnik bazasini mustahkamlash, energiya samaradorligini oshirish va oʻquvchilar uchun munosib taʼlim muhitini yaratishda ham yaqqol namoyon boʻlmoqda.

Xususan, tumandagi 8-umumtaʼlim maktabida energiya tejamkor texnologiyalarni joriy etish, bino va infratuzilmani zamonaviy talablar asosida yangilash maqsadida mukammal taʼmirlash ishlari amalga oshirildi.

Endilikda maktab oʻquvchilar uchun nafaqat zamonaviy bilim olish, balki qulay va munosib taʼlim muhitida kamol topish imkonini beruvchi maskanga aylandi.

Eng muhimi, yaratilgan sharoitlar natijasi bugun sinfxonalarda — oʻquvchilarning koʻtarinki kayfiyati, sifatli taʼlim olishi va ertangi kunga ishonchida namoyon boʻlmoqda.

Zero, zamonaviy maktab — zamonaviy taʼlim, sifatli taʼlim esa Yangi Oʻzbekistonning mustahkam kelajagi demakdir.