Юртимизда инсон қадрини улуғлаш, ёш авлодга сифатли таълим ва муносиб шароит яратиш давлат сиёсатининг устувор йўналишларидан бири сифатида изчил давом этмоқда.

Бу жараён Чортоқ туманидаги таълим муассасаларини замонавий қиёфага келтириш, уларнинг моддий-техник базасини мустаҳкамлаш, энергия самарадорлигини ошириш ва ўқувчилар учун муносиб таълим муҳитини яратишда ҳам яққол намоён бўлмоқда.

Хусусан, тумандаги 8-умумтаълим мактабида энергия тежамкор технологияларни жорий этиш, бино ва инфратузилмани замонавий талаблар асосида янгилаш мақсадида мукаммал таъмирлаш ишлари амалга оширилди.

Эндиликда мактаб ўқувчилар учун нафақат замонавий билим олиш, балки қулай ва муносиб таълим муҳитида камол топиш имконини берувчи масканга айланди.

Энг муҳими, яратилган шароитлар натижаси бугун синфхоналарда — ўқувчиларнинг кўтаринки кайфияти, сифатли таълим олиши ва эртанги кунга ишончида намоён бўлмоқда.

Зеро, замонавий мактаб — замонавий таълим, сифатли таълим эса Янги Ўзбекистоннинг мустаҳкам келажаги демакдир.