Mazkur holat munosabati bilan viloyat hokimi o‘rinbosari, Maktabgacha va maktab ta’limi boshqarmasi boshlig‘i, tuman Ichki ishlar bo‘limi rahbari hamda tegishli mutasaddilar jabrlangan tarbiyalanuvchining xonadonida bo‘lib, uning holidan xabar oldi. Ota-onasi bilan muloqot davomida bolaning manfaatlari, oilaning ehtiyojlari va zarur ko‘mak masalalari muhokama qilindi.

Bolaning huquq va qonuniy manfaatlarini ta’minlash, uning xavfsizligi hamda oilasiga zarur yordam ko‘rsatish masalalari alohida nazoratga olindi.

Ayni paytda mazkur holat Maktabgacha va maktab ta’limi vazirligi tomonidan tuzilgan ishchi guruh tomonidan ham o‘rganilmoqda.

Shu bilan birga, Uchqo‘rg‘on tumani Ichki ishlar bo‘limi tomonidan gumonlanuvchiga nisbatan O‘zbekiston Respublikasi Jinoyat kodeksining 118-moddasi 4-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.

Holat Maktabgacha va maktab ta’limi vazirligi, viloyat hokimligi, Ichki ishlar boshqarmasi  va maktabgacha va maktab ta’limi boshqarmasi tomonidan nazoratga olingan.

Namangan viloyati maktabgacha va maktab ta'limi boshqarmasi Axborot xizmati