Namanganda yosh avlodni milliy va umuminsoniy qadriyatlarga hurmat ruhida tarbiyalash, ularda milliy o‘zlikni anglash, Vatanga muhabbat va ajdodlar merosiga sadoqat tuyg‘ularini mustahkamlashga qaratilgan «Milliy qadriyatlar targ‘ibotchisi» tanlovining viloyat bosqichi o‘tkazilmoqda.

Tanlovda tuman va shahar bosqichlarida g‘oliblikni qo‘lga kiritgan 42 nafar ma’naviy-ma’rifiy ishlar bo‘yicha direktor o‘rinbosari ishtirok etib, o‘zaro bilim va mahoratlarini sinovdan o‘tkazmoqda.

Bellashuv ishtirokchilarning ma’naviy-ma’rifiy yo‘nalishdagi chiqishlari hamda 40 ta test savolidan iborat shartlar asosida tashkil etilgan. Unda nomzodlarning milliy qadriyatlar, ma’naviyat va tarbiya borasidagi bilimlari, shuningdek, targ‘ibot-tashviqot ishlarini samarali tashkil etish ko‘nikmalari baholanmoqda.

Jarayonda maktabgacha va maktab ta’limi boshqarmasi boshlig‘i A’zamjon Isakov ham ishtirok etib,qatnashchilarga muvaffaqiyat tiladi.